التعلم والوعي اصول🌟💜

 

أكبر معيق في طريق الوعي وتطوير الذات 

ان الواحد يتعلم ويتعلم ويتعلم ويدخل معلومات من غير ما يطبق نتيجة فهمه للمعلومات دي ، ودا لأكتر من سبب

🔵1- عدم معرفة طريقة تطبيق كل معلومة

اني اكون بتعلم وبقرأ وباخد كورسات بس مش عارف ازاي استفيد بالمعلومات دي في الواقع بتاعي وهنا بيكون السبب علي طرف من الاتنين او الاتنين مع بعض ، (المعلم والمتعلم) ممكن معلم يقول المعلومة بس من غير ما يقول تتطبق ازاي ويعتمد علي المتعلم انه يطبقها حسب مرحلة وعيه ،

او المتعلم يكون عنده معلومات كتير حلوة وتغير من حياته للأفضل لو طبقها ، بس مش عارف يستفيد منها ازاي ويعمل ايه بالظبط عشان يغير واقعه

🔵 الحل ان المعلم الشاطر بعد ما يقول المعلومة يذكر طريقة سهلة لتطبيقها ، والمتعلم الذكي يسعي انه يتعلم من شخص يكون عنده معلومات عملية مش مجرد معلومات وشكرا ، ولو معرفش يطبقها ازاي يسأل ويستفسر عن طريقة تطبيق المعلومة عشان فعلا يلمس أثر حلو في حياته 

🔴 لأن في ناس سرعة اخذها للمعلومات اكتر من تطبيقها 

ودا بيعمل مشكلة كثرة معلومات لإن زي ما في داخل فالمفروض يكون في شئ خارج علي هيئة فعل وتطبيق عشان يحصل التوازن يا صديقي 

طيب ايه الي هيحصل مع كثرة المعلومات بدون تطبيق؟ 

العقل الواعي هيتملي معلومات ، وهيدافع وهيحاول بشتي الطرق انك متدخلش معلومات جديدة الفترة دي لحد ما يهضم المعلومات الي جوا ويستفيد منها

عن طريق انه يقفلك من المجال دا او يطلع شويه مشاعر سلبية او أياً كانت الطريقة الي هيعملها المهم يخليك تبعد شويه عشان يرتاح من كمية المعلومات الي فيه 

🔵 ايه النتيجة لما اكون بطبق المعلومات أول بأول ؟ 

أولا المعلومات الي كانت في العقل الواعي المحدود بعد ما طبقتها انتقلت للعقل اللاواعي اللا محدود ، فانت كدا فرغت مساحة في العقل الواعي وأصبحت مستعد ومستحق لمعلومات جديدة تستقبلها لانك طبقت الي عندك

بالإضافة انك هتستفيد وهتلاقي نتيجة جهدك وتعلمك وتغيير أفكارك وتطور وعيك واقع شايفه بعينيك في كل جوانب حياتك مادياً وعملياً وصحياً وروحانياً 

طيب لو انت حالياً في مرحلة كثرة المعلومات تعمل ايه؟

هتبعد شويه عن التنمية وترتاح شويه ، اعمل انشطة مختلفة ملهاش علاقة بالوعي انزل اتمشى اسمع مسلسلات وأفلام ارسم العب رياضة.. المهم متدخلش معلومات جديدة

وبعد الفترة دي هتلاقي العقل فرغ طاقة المعلومات الزيادة ورجعك تاني لحالة التوازن الطبيعية ، هنا بقي ترجع وتتعلم الدرس انك مش هتنتقل لمعلومة جديدة غير لما تطبق الي اخدتها ، مش هتنتقل لكورس جديد غير لما تخلص القديم او تتركه خالص لو مش عارف تطبقه وتبدأ كورس عملي جديد

اذن الخلاصة

🔶 لما تحب تقرأ شئ أو تاخد كورس اسأل الأول هل الكورس دا عملي وواقعي ولا مجرد معلومات نظرية ؟ 

🔶 ولو في معلومة مش عارف تطبقها اسأل اطبقها ازاي متتكسفش ، السؤال هو بوابة العلم

ولو عندك معلومة ومش عارف تطبقها في حياتك ، اكتبها تحت في الكومنتات